幼兒社交問題

[irislee]

我個女依家二十七個月大, 佢自細都唔係好中意同齡既小朋友玩, 好多時佢响遊樂場玩開一樣嘢, 有其他小朋友一齊玩, 佢就走開唔玩. 前一排有左改善, 我地都安心左。
但上 個月人發生左一件小小意外事件, 就係帶佢去沖氣球玩彈彈跳, 同佢一齊玩既小朋友都比佢大, 我地响出邊窗口同佢打招呼, 吸引其他幾個小朋友一齊衝過來, 撞跌左佢, 佢大喊到要死, 負責D哥哥即時清場, 趕哂其他小朋友離個氣球, 仲安慰佢, 請佢食嘢, 過左一輪, 等頭先D小朋友玩完, 獨立開放再俾佢同媽媽一齊入去玩。
上個星期再帶佢出去另一個遊樂場玩, 佢玩開滑梯, 玩得好開心, 但當有另一個比佢細既小朋友加入, 冇幾耐佢就大喊, 唔玩喇. 接下來幾個類似既場合都係差唔多咁; 去人地小朋友屋企玩, 佢就不停咁講話返屋企, 又不停講話"尿尿" (其實佢依家都未戒到片), 帶佢去厠所又冇。呢幾日佢間中都會講"玩氣球小朋友撞", 我地安慰佢話, 因為佢企唔稳先撞到你啫, 佢地都同你講sorry囉, 依家冇事喇。 相信嗰次個陰影影響好大。 呢排佢開始對住貼响牆d公仔講嘢, 又"呢"埋, 同佢地玩戰爭遊戲, 當正佢地有生命咁, 開頭我地都覺得好得意, 仲同佢一齊玩, 但唸深一層, 加埋最近既表現連在一齊, 佢唔想同"真"既小朋友玩, 反而同d冇反應既公仔玩, 因為"真"既小朋友會撞佢, 公仔唔會, 我地都好担心。
請問當天發生既事, 我地處理係唔係唔對? 點樣先至令佢淡忘左佢? 佢再提起我地又點應對較好? 有冇其他建議呢? 多謝

[Babyhei]

請問有無其他堂阿哥、細路之類?可以多D一齊玩，人都會大膽D，細路哥撞到好平常，我都會教囝囝面對，堅強D，D小朋友有時都睇大人反應，如果大人太緊張，佢地都會緊張埋，當然，如果情形lasting比較耐，可找專業輔導員幫手...

[Maryma]

我都同意BabyHei ge講法，好多時都係我哋太緊張。我成日叫自已要放手比佢面對。慢慢佢會適應到ga 我個小朋友都係兩歲果時好吾識同其他小朋友玩。成日自己一個 我就盡量帶佢同我朋友D同齡小朋友玩。玩個D嘢吾駛好激ge。等佢哋建立左關系先。仲有，我小朋友返左Nursery之後，成個人都活潑晒 依家見到其他人都會主動打招呼！可能係有同同學仔一齊玩ge關系la!

聽落你個女都無乜問題 ar!我個小朋友都鍾意同公仔玩 ge la。

[GEM]

放鬆D啦香港人，細路哥唔使太緊張(雖然有時我都會...)

[小豬媽媽]

訓練多D 阿B既自信心就會好好多嫁喇